"Ўзтўқимачиликсаноат" 5 миллион долларлик Англашув меморандумини имзолади

14-16 март кунлари "Ўзтўқимачиликсаноат" ассоциацияси Шанхай (ХХР)да бўлиб ўтган "Yarn Expo Spring 2018" Халқаро тўқимачилик толалари кўргазмасида иштирок этди. Ассоциация матбуот хизматида хабар берилишича, кўргазма якунига кўра, маҳаллий маҳсулот экспортига доир 5 миллион доллардан зиёд суммага тенг Англашув меморандуми имзоланган. 

Шанхайдаги кўргазма доирасида Хитой компаниялари билан қатор келишувларга эришилди. Уларнинг орасида «Nantong Yinshuai Textile Co., Ltd», «Nantong Co-op Textile Exchange Co., Ltd», «Xiamen ITG Group Corp. Ltd», «Xiamen Hangkai Free Trade Corporation», «Xinjiang Asia-Europe International Material Trade Center Co., Ltd», «Gaoyang KeKe Textile Trading Co.,Ltd», «Alashankou Zhonghao Trading Co.,Ltd», «Alashankou Baoneng Commerce and Trade Co., LTD», «Qingyuan Zhouchen Textile Sales Co.,Ltd», «Xiamen Xiangyu Superchain Supply Chain Development Co.,LTD» каби компаниялар бор. 

Шунингдек Ҳиндистон ва Покистоннинг кўплаб компаниялари билан тўқимачилик толаларини етказиб бериш борасидаги аниқ келишувларга эришилди. Ҳиндистонлик мутахассислар жорий  йилнинг май ойида Ўзбекистонга келишни режалаштираётганини маълум қилишди. 

Шанхай кўргазмаси якунларига кўра, умумий суммаси 4 миллион долларлик маҳаллий тўқимачилик маҳсулотларини етказиб беришга доир шартнома ва келишувлар имзоланган.