АҚШ БМТга тўловлар камайтирилишини маълум қилди

Фото: AP

АҚШнинг БМТдаги доимий вакили Никки Ҳейлининг маълум қилишича, Қўшма Штатлар ташкилот бюджетига тўловларни камайтиради. Бу ҳақда Associated Press хабар бермоқда.

«Тинчликпарварлик – бу умумий жавобгарлик. Барчамиз ўз ҳиссамизни қўшишимиз керак, ҳамда ҳамма кўпроқ саъй-ҳаракатларни амалга ошириши лозим», - дея айтиб ўтди Ҳейли.

Хабар қилинишича, АҚШ 2018 йилда БМТга барча бюджетнинг 28,5 фоизини тўлаб берган. Доимий вакил сўзларига кўра, Вашингтон Америка қонунларига мувофиқ БМТга бюджетнинг 25 фоизидан камроқ миқдорда тўлов киритиши мумкин.

Таъкидланишича, ташкилот бюджетига тўловлар миқдори бўйича иккинчи ўринда Хитой 10 фоиз билан боряпти.