Франция президенти Сурияда курд кўнгиллилари қўллаб-қувватланишини маълум қилди

Франция президенти Эммануэль Макрон «Сурия демократик кучлари» (SDF) делегацияси билан учрашди ҳамда Париж уларни қўллаб-қувватлаши ҳақида маълум қилди. Бу ҳақда РИА «Новости» давлат раҳбари матбуот хизматига таянган ҳолда хабар бермоқда.

«У (Франция президенти) «Сурия демократик кучлари»га Франция уларни қўллаб-қувватлашини маълум қилди. Бунда Сурия шимоли-шарқидаги хавфсизлик ҳудудини барқарорлаштириш биринчи ўринда туради», - дея айтиб ўтишган матбуот хизматидан.

Аввалроқ ОАВ Франция ҳукумати Суриянинг Манбижида курд кўнгиллиларига ёрдам учун қўшин жўнатишга қарор қилгани ҳақида хабар берганди.