ЙТҲ натижасида мактаб ўқувчиси жабрланди

Иллюстратив фото/News.newnn.ru

Тошкент вилоятининг Янгийўл туманида йўл-транспорт ҳодисаси рўй берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 7 апрель куни соат 07.30ларда 1993 йилда туғилган А.А. ўзининг бошқарувидаги “ВАЗ-2106” русумли автомашинасини Халқобод ҚФЙ Навоий маҳалласи ҳудудида ҳайдаб кетаётиб пиёда, ўрта мактаб ўқувчиси Э.Т.ни уриб юборган.

Натижада Э.Т. жароҳат олиб касалхонага ётқизилган. Суриштирув ишлари олиб борилмоқда.