Олмалиқда қурол ўғриси ушланди

Тошкент вилоятининг Олмалиқ шаҳрида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 2014 йил 8 сентябрда, номаълум шахс Пиримқулов кўчасида жойлашган озиқ-овқат дўкони олдида қаровсиз қолдирилган, 1948 йилда туғилган Р.Л.га тегишли «Нива» русумли автомашинаси эшигини калит танлаш йўли орқали очиб, салонидан унга тегишли, ИИБда рўйхатда бўлган «БМ-16» русумли ва «ТОЗ» русумли ов қуролларни олиб кетганлиги аниқланган. 

Кўрилган чоралар натижасида ушбу жиноятни Олмалиқ шаҳар Олмалиқсой кўчасида яшовчи, 1974 йилда туғилган. Ф.Т. содир этганлиги аниқланиб ушланган.