Фото: РИА Новости / Заман Рамазанов
Озарбойжоннинг амалдаги президенти Илҳом Алиев муддатдан ташқари президент сайловларида етакчилик қилмоқда. Бундан ELS мустақил тадқиқот маркази томонидан ўтказилган экзит-полл натижалари дарак бермоқда.
Унга кўра, Алиевга 82,71 фоиз сайловчилар овоз берган.
11 апрелда Озарбойжонда муддатдан ташқари президент сайловлари бўлиб ўтди. Олий давлат лавозимига 8 номзод даъвогарлик қилди. Сайлов участкалари маҳаллий вақт билан соат 08.00да очилиб, соат 19.00га қадар ишлаган.
Илҳом Алиев Озарбойжонни 2003 йилдан бери бошқариб келади. 3 марта (2003, 2008 ва 2013 йиллар) президент сайловларида ғолиб бўлган.
