«Арсенал» ғалабани мағлубиятга айлантирди ва ЕЧЛ учун йўлланмадан умид узди

Англия Премьер-лигасининг 34-турида «Арсенал» «Ньюкасл» меҳмони бўлди. 

Ўйинда дастлаб меҳмонлар ҳисобни очишганди, 14-дақиқада Ляказетт Обамеянгнинг пасини голга айлантирди. Аммо кўп ўтмасдан Айосе Перез ҳисобни тенглаштирди, иккинчи бўлимда Ритчи ғалаба голини урди - 2:1.

Бу иродали ғалабадан кейин «Ньюкасл» 41 очко билан ўнинчи ўринда, Арсен Венгер шогирдлари эса 54 очко билан олтинчи ўринда қолди. Лондонликлар энди кейинги мавсумда Чемпионлар лигасида қатнашиш имконини берувчи тўртинчи ўриндан умид узишган.

Англия чемпионати
34-тур
Ньюкасл – Арсенал 2:1 (1:1)
Голлар: 0:1 – 14 Ляказетт, 1:1 – 29 Перес, 2:1 – 68 Ритчи.
Ньюкасл – Дубравка, Лежен, Ласселс, Дамметт, Кенеди, Ритчи (Мерфи, 86), Диаме, Шелви, Йедлин, Перес (Хоселу, 79), Гэйл (Слимани, 63).
Арсенал – Чех, Мустафи, Монреаль, Чемберс (Мэйтленд-Найлз, 78), Холдинг, Ивоби (Нкетиа, 86), Чака, Эль-Ненни, Уиллок (Уэлбек, 68), Обамеянг, Ляказетт.