Лавров: «Новичок» АҚШ арсеналида бўлган ва осон ишлаб чиқарилади

Фото: РИА «Новости»

Россия ташқи ишлар вазири Сергей Лавровнинг маълум қилишича, ГРУ собиқ полковниги Сергей Скрипални заҳарлашда қўлланган модда - «Новичок» АҚШ қуроллари таркибида бўлган. Бу ҳақда РИА «Новости» хабар бермоқда.

«Бу модда Қўшма Штатларда патентланган, қуроллари таркибида ёки турли биологик ҳамда кимёвий армиялари томонидан фойдаланувда бўлган. Ҳамда у жуда осонлик билан ишлаб чиқарилади», - дея айтиб ўтди Лавров.

Шунингдек унинг эслатишича, бу моддани ишлаб чиққанлардан бири бўлмиш Вил Мирзаянов АҚШга кўчиб ўтган ва айнан ўша ерда модда формуласини эълон қилган.