Фото: Reuters /Issei Kato
Япония бош вазири Синдзо Абэ КХДР етакчиси Ким Чен Иннинг Пхеньян ядровий ва ракета синовларини тўхтатаётгани ҳақидаги баёнотига эҳтиёткорлик билан муносабат билдирди. Бу ҳақда Associated Press хабар бермоқда.
Бироқ, Абэ бу янгиликни ижобий деб атаган.
«Бу қарор ядро қуроли, оммавий қирғин қуроли ва ракеталарнинг бутунлай, ишончли ва ортга қайтарилмайдиган тарзда йўқ қилинишига айнан қандай олиб келиши муҳим», - дея айтиб ўтди Япония бош вазири.
Унинг қўшимча қилишича, Токио КХДР бўйича ўз ҳаракатларини Сеул ва Вашингтон билан биргаликда мувофиқлаштиришда давом этади.
Эслатиб ўтамиз, аввалроқ Сеул Пхеньяннинг ядро синовлари бўйича қарори юзасидан баёнот берганди.
