АҚШнинг Ал-Қудсдаги элчихонаси 14 май куни очилади

АҚШнинг Ал-Қудсдаги элчихонаси 14 май куни очилади. Бу ҳақда Kommersant Исроилнинг Россиядаги элчихонаси матбуот атташеси Алекс Гандлерга асосан хабар берди. 

«Қўшма Штатларнинг Ал-Қудсдаги элчихонаси жорий йилнинг 14 май куни очилади, Исроил Мустақиллик кунида, - деган дипломат. – Биз Исроил пойтахтида Исроил мустақиллик кунини нишонлаш маросимида жуда муҳим меҳмонлар иштирок этишини кутмоқдамиз».

Аввалроқ Исроил ОАВ Америка делегациясига молия вазири Стивен Мнучин раҳбарлик қилиши, шунингдек АҚШ президентининг қизи Иванка Трамп ва унинг эри, президент катта маслаҳатчиси Жаред Кушнер келиши кутилаётгани ҳақида хабар берганди.

АҚШ президенти Дональд Трамп Ал-Қудсни Исроил пойтахти сифатида тан олиши ва у ерга мамлакат элчихонасини кўчириш қарори ҳақида ўтган йилнинг 6 декабрь куни эълон қилди. Бу араб мамлакатлари ва Фаластин норозилигига сабаб бўлди. БМТ Хавфсизлик кенгаши ҳам Вашингтон қарорини қўллаб-қувватламади. Дональд Трамп дипломатик миссия кўчирилишига қарши чиққан давлатларга моддий ёрдамни тўхтатиб қўйиш билан таҳдид қилди. Исроил бош вазири Биньямин Нетаньяҳу эса Ал-Қудсга элчихонани кўчиришга қарор қилган илк ўн давлатга молиявий ёрдам ваъда берди.

Эслатиб ўтамиз, аввалроқ Исроил бош вазири Биньямин Нетаньяҳу олти давлат ўз элчихонасини Ал-Қудсга кўчиришга тайёр тургани ҳақида маълум қилганди.