Isroil bosh vaziri Binyamin Netanyahuning ma'lum qilishicha, olti davlat o‘z elchixonasini Al-Qudsga ko‘chirishga tayyor turibdi. Bu haqda The Times of Israel xabar bergan.
«Men shuni xabar qilishdan xursandmanki, kamida oltita davlat biz bilan o‘z elchixonasini Al-Qudsga ko‘chirish haqida jiddiy gaplashdi. Gvatemalaga buni qilgani uchun rahmat. Endi sizlarning ortingizdan boshqalar ham boradi», - deya aytib o‘tdi u.
Eslatib o‘tamiz, avvalroq Falastin yetakchisi Mahmud Abbos Qo‘shma Shtatlarning Isroildagi elchisini Iordan g‘arbiy sohilidagi yahudiylar turar-joylarini qo‘llab-quvvatlagani uchun «it bolasi» deb atagandi.