Қирғизистон бош вазири кортеж ва йўлларни тўсиб қўйишдан бош тортди

Қирғизистон бош вазири этиб тайинланган Муҳаммадкали Абилғозиев кортеж ва йўлларни тўсиб қўйишдан бош тортди.

Гувоҳларнинг 24.kg’га хабар беришича, ҳукумат раҳбари бугун ишга жуда вақтли – соат тахминан 7:30да келган. Шу билан бирга, унга кортеж ҳамроҳлик қилмаган.

Бош вазир аппаратидан таъкидлашларича, Муҳаммадкали Абилғозиев шанба, 21 апрель куни, ДМХҚ янги раисини таништириб, Идрис Қодирқуловга ортиқча қўриқлаш хизмати ва ҳамроҳлик қилувчи ходимларни олиб ташлаш ҳақида топшириқ берди.

Ҳукумат раҳбари аппаратидан қайд этишларича, Муҳаммадкали Абилғозиевнинг автомашинаси ҳаракатланадиган йўлларда ҳаракат тўсиб қўйилмайди. Бу ҳақда ҳам бош вазирнинг ўзи кўрсатма берган.

Эслатиб ўтамиз, аввалроқ Қирғизистон президенти аппарати бошлиғи Муҳаммадкали Абилғозиев ҳукумат раҳбари лавозимига номзодга айлангани хабар берилганди.