Саудия Арабистони Қатарни Сурияга қўшинлар юборишга чақирди

Фото: РИА Новости /Михаил Воскресенский

Қатар АҚШнинг кўмагидан маҳрум бўлишни истамаса, Сурияга ўз қўшинларини юбориши керак, деб айтди Саудия Арабистони ташқи ишлар вазири Одил ал-Жубайр.

“Қатар америкалик қўшинлар Сурияда бўлгани учун ҳақ тўлаши ва АҚШ президенти Қатар ҳудудидаги АҚШ ҳарбий базаси Қатарга кўрсатаётган ҳимоядан воз кечмасидан Сурияга ўз қўшинларини юбориши лозим”, деб айтган ал-Жубайр.

Ал-Жубайрнинг таъкидлашича, агар АҚШ Қатар хавфсизлигини таъминламай қўйса, унда бу мамлакатдаги тузум бир ҳафтага қолмай ағдарилади.