Исроиллик ҳарбийлар Сурияга берилган зарбаларни изоҳлашдан бош тортди

Фото: Исроил мудофаа армияси

Исроил ҳарбийлари Суриядаги ҳарбий объектларга тунги вақтлар берилган зарбаларга изоҳ беришдан бош тортди. Айнан Исроил зарбаларга алоқадорликда гумонланмоқда, деб хабар беради РИА «Новости».

«Биз изоҳ беришдан бош тортамиз», - дея маълум қилди мамлакат қуролли кучлари вакили.

Агентликнинг Суриядаги ҳарбий манбаси сўзларига кўра, «душман ракеталари» қўлланган ҳолда берилган тунги зарбаларнинг асосий мақсади Хама ва Ҳалаб шаҳарлари ёнидаги Сурия ҳукумат қўшинлари қурол-яроғ омбори бўлган. Ҳужум вақтида Хама атрофида катта ёнғин бошланган.

Эслатиб ўтамиз, аввалроқ ОАВ Сурия базаларига ҳужум ҳақида қўшимча маълумот берганди.