Жалолободда Ўзбекистон-Қирғизистон ишчи гуруҳларининг учрашуви бўлиб ўтди

2018 йилнинг 2-8 май кунлари Жалолобод шаҳрида Ўзбекистон-Қирғизистон Давлат чегарасини делимитация ва демаркация қилиш масалалари бўйича Ўзбекистон Республикаси ва Қирғизистон Республикаси ҳукумат делегациялари ишчи гуруҳларининг навбатдаги учрашуви бўлиб ўтди. Бу ҳақда ТИВ ахборот хизмати хабар бермоқда.

Музокараларда давлатлараро чегаранинг қолган участкаларни тавсифлаш бўйича иш давом эттирилди.

Икки мамлакат чегара ҳудудлари аҳолиси учун қулай шарт-шароитлар яратиш мақсадида томонлар янги чегара ўтказиш пунктларини очиш масаласини ҳам кўриб чиқдилар.

Қайд этилишича, учрашув конструктив руҳда ва ўзаро тушуниш муҳитида ўтган.