БМТ Хавфсизлик кенгаши Ғазо секторидаги вазият бўйича шошилинч йиғилиш ўтказади

Фото: REUTERS

БМТ Хавфсизлик кенгаши 14 май куни тўқнашувлар оқибатида 52 фаластинлик ҳалок бўлган Ғазо сектори ва Исроил чегарасидаги вазият бўйича 15 май куни навбатдан ташқари йиғилиш ўтказади. Бу ҳақда журналистларга Буюк Британиянинг БМТдаги доимий вакили Карен Пирс маълум қилди.

“Эртага Хавфсизлик кенгашининг йиғилиши бўлиб ўтади, унда БМТнинг Яқин Шарқдаги тинчлик жараёни бўйича махсус координатори Николай Младенов доклад ўқийди. Биз Фаластин-Исроил ихтилофининг барча масалаларини муҳокама қила оламиз, бироқ айни вақтда бўлаётган воқеаларга таъсирга эга бўлган барча ушбу таъсирини вазиятни тинчлатиш ва хунрезликларга чек қўйиш учун қўллаши муҳимроқдир”, деб айтган дипломат.

Йиғилиш ўтказилишини БМТ Хавфсизлик кенгашининг нодоимий аъзоси ҳисобланган Кувайт сўраган. ТАСС ахборот агентлиги маълумотига кўра, йиғилиш Тошкент вақти билан соат 19:00га белгиланган. Бу вақтга белгиланган Сомали бўйича учрашув эса кечроққа кўчирилган.

Тайёрлаган Шуҳрат Раҳимов

#БМТ #Исроил #Ғазо

2018 йил 14 май куни Қуддусда АҚШ элчихонаси очилишига жавобан фаластинликлар Ғазо секторида норозилик намойишлари ўтказишди. Натижада Исроил ҳарбийлари билан қуролли тўқнашувлар келиб чиқиб, ўнлаб фаластинлик ҳалок бўлди.