Месси - Европанинг энг самарали футболчиси, Роналду 16-ўринда

Фото: David Ramos/Getty Images

CIES Football Observatory статистика компанияси Европанинг кучли 5та лигаси футболчилари ўйинининг самарадорлиги ва сифати бўйича рейтингни эълон қилди.

Унга камида 20та ўйин (1800 дақиқа) ўтказган футболчилар кирди. Германия чемпионати учун пастроқ марра - 16та ўйин (1440 дақиқа) белгиланди. Натижада жароҳати туфайли 1797 дақиқа ўйнаган «ПСЖ» ҳужумчиси Неймар бу рейтингга кирмай қолди.

Европанинг энг самарали футболчилари рўйхатини «Барселона» ҳужумчиси Лионель Месси бошқармоқда - 92,12 балл. Унинг изидан «Манчестер Сити» яримҳимоячиси Давид Силва боряпти - 91,69. Кучли учликни «Ювентус» ҳужумчиси Пауло Дибала якунлаб берган - 91,37 балл.

«Реал» ҳужумчиси Криштиану Роналду эса 16-ўринни эгаллаган - 88,58 балл.