Ўзбекистонда ЖСТга аъзо бўлиш учун қанча вақт кетиши ҳисоблаб чиқилди

Ўзбекистонга Жаҳон савдо ташкилотига (ЖСТ) аъзо бўлиш учун тахминан беш йил керак бўлади, дея маълум қилди Ўзбекистон Республикаси Савдо-саноат палатаси (ССП) раиси Адҳам Икромов.

«Биз Жаҳон савдо ташкилотига аъзо бўлиш йўлини 4-5 йил мобайнида босиб ўтиш ҳақида ўйлаяпмиз», - деди Икромов Тошкентдаги Ўзбекистон-Германия бизнес-форумида чиқиш қилиб. 

Ўтган йилнинг ноябрь ойида Шавкат Мирзиёев Жанубий Кореяга сафари чоғида ЖСТга аъзо бўлиш бўйича иш тиклангани ҳақида маълум қилганди.

ЖСТ бутун товар оқимлари умумий ҳажмининг 94 фоизини қамраб олади, шунинг учун ушбу ташкилотга қўшилиш Ўзбекистон ташқи иқтисодий сиёсатининг устувор йўналишларидан биридир.

Аввалроқ, ташқи савдо вазири Жамшид Хўжаев мамлакатнинг ЖСТга аъзо бўлиши салбий оқибатларга олиб келмаслиги учун ушбу жараённи иқтисодиётнинг муайян секторлари, маҳаллий ишлаб чиқарувчиларнинг турли гуруҳлари ва давлат томонидан тартибга солиш механизмларига мувофиқлигини баҳолаш асосида амалга ошириш режалаштирилган.

Эслатиб ўтамиз, аввалроқ АҚШ Ўзбекистонни ЖСТга аъзо бўлиш жараёнида қўллаб-қувватлаётгани хабар берилганди.