Ўзбекистоннинг Малайзиядаги янги элчиси Куала-Лумпурга жўнаб кетди

2018 йилнинг 16 май куни Ўзбекистон Республикасининг Малайзиядаги фавқулодда ва мухтор элчиси этиб тайинланган Равшан Усмонов Тошкентдан Куала-Лумпур шаҳрига жўнаб кетди. Бу ҳақда ТИВ ахборот хизмати хабар бермоқда.

Р.Усмонов илгари Туризмни ривожлантириш бўйича давлат қўмитаси раисининг биринчи ўринбосари, Франция Республикасида фавқулодда ва мухтор элчи, шунингдек, ўриндошлик асосида Италия Республикасида ва Португалия Республикасида фавқулодда ва мухтор элчи лавозимида ишлаган.

Бирмингем университети (Буюк Британия), Жаҳон иқтисодиёти ва дипломатия университети битирувчиси Р.Усмонов илгари Ўзбекистон Республикаси Ташқи ишлар вазирлиги Европа мамлакатлари ва НАТО билан ҳамкорлик бошқармасига раҳбарлик қилган.