Кубада йўловчи самолёти ҳалокатга учради 

Бортида юздан кўпроқ йўловчи бўлган Cubana de Aviacion авиакомпаниясининг Boeing 737 йўловчи самолёти 18 май куни Кубада ҳалокатга учради. Бу ҳақда Telemundo канали маълум қилди. 

Самолёт Гаванадан Ольгинга учаётган бўлган. У Гавана аэропортидан ҳавога кўтарилгандан бир неча дақиқа ўтиб қулаб тушган.

Infobae портали маълумотларга кўра, самолётда 104 киши бўлган. Cibercuba нашрининг маълум қилишича эса, самолётда экипаждан ташқари 107 киши бўлган, уларнинг барчаси ҳалок бўлган. 

Воқеа гувоҳларининг маълум қилишича, аэропорт томондан “катта ўлчамдаги олов шар” кўринган. Авиаҳалокат сабаблари аниқлаштирилмоқда.