Зарафшон шаҳрига янги ҳоким тайинланди

Бугун, 25 май куни халқ депутатлари Зарафшон шаҳар Кенгашининг ҳам навбатдан ташқари сессияси бўлиб ўтди.

Сессияда ташкилий масала кўриб чиқилди.

Вилоят матбуот хизматининг «Kun.uz»га хабар беришича, 2017 йил март ойидан буён Навоий шаҳар ҳокимининг Иқтисодиёт ва тадбиркорлик масалалари бўйича биринчи ўринбосари лавозимида ишлаб келаётган Анвар Раззоқович Ражабов Зарафшон шаҳар ҳокими этиб тайинланди.

У бу лавозимда кўп йиллар ишлаб, бугун Навоий шаҳри ҳокимлигига ўтказилган Муҳиддин Бозоров ўрнини эгаллади.