Йўловчи қотиллар қўлга олинди - ИИВ

24 май куни Тошкент шаҳрида қотиллик юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, Сергели туманида яшовчи, муқаддам судланган, В.К. ва Тошкент вилояти Чирчиқ шаҳрида яшовчи, муқаддам судланганлар  П.К. ва Э.С., ҳайдовчи Ж.Р. бошқарувидаги “Матиз” русумли автомашинага йўловчи сифатида ўтириб, Сергели туманига келишган.

Шунда В.К. ҳайдовчи Ж.Р.нинг бўйин қисмидан бўғган вақтида П.К. ва Э.С. унинг кўкрак қисмига пичоқ билан уриб ўлдириб, жасадни воқеа жойига ташлаб, Чирчиқ шаҳрига бориб Ж.Р.га тегишли пулларни ҳамда мобиль телефонини олиб, автомашинани ташлаб қочиб кетганлар. 

Кўрилган тезкор чоралар натижасида В.К., П.К ва Э.С. қўлга олинган.