Трамп Ким Чен Ин билан учрашишини тасдиқлади

Фото: Reuters

Дональд Трамп Шимолий Корея етакчиси Ким Чен Ин билан 12 июнь куни Сингапурда учрашади. Бу ҳақда унинг ўзи Оқ уйда Венесуэлада озод қилинган АҚШ фуқароси қабулидан сўнг маълум қилди.

АҚШ президенти КХДР билан музокаралар «жуда яхши» кетаётганини қайд этиб ўтган.

Ким Чен Ин 26 май куни Жанубий Корея президенти Мун Же Ин билан учрашуви вақтида Трамп билан учрашиш ниятини тасдиқлаганди.

Бундан олдинроқ Дональд Трампнинг матбуот котиби Сара Сандерс Америка маъмурияти жамоаси АҚШ ва КХДР етакчиларининг учрашув майдонини тайёрлаш учун Сингапурга йўл олиши ҳақида маълумот берганди.