30 май куни Андижон шаҳар ИИБга ҳужжатлар келиб тушган, деб хабар бермоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.
Қайд этилишича, уларда Ўш шаҳрида яшовчи, Қирғизистон фуқароси Х.Г. исмли 20 ёшли аёл ва Андижон вилоятида яшовчи, Ўзбекистон фуқароси Н.Н. исмли 38 ёшли аёл ўзаро жиноий тил бириктириб, қўшмачилик билан шуғулланиб, 2016 йил декабрдан 2018 йил февраль ойига қадар ёш аёлларни эркакларга қўшганликлари ва 2018 йил март ойида бир нечта ёш қизларни Ўзбекистондан Қирғизистон Республикасига олиб ўтиб, фоҳишалик билан шуғулланишга мажбур қилганликлари аниқланган.
Мазкур ҳолат юзасидан жиноят иши қўзғатилиб тергов ҳаракатлари олиб борилмоқда.
