Бабченкога суиқасд ташкилотчиси разведка билан боғлиқ экани рад этилди

Прокурор Руслан Кравченконинг маълум қилишича, россиялик журналист Аркадий Бабченкога суиқасд қилишни ташкиллаштиришда гумонланаётган Борис Герман Украина Хавфсизлик хизмати (УХХ) агенти эмас. Бу ҳақда «112 Украина» хабар берди.

«Бизда бор бўлган маълумот Герман аксилразведка билан ҳамкорлик қилгани ҳақидаги гап-сўзларни тасдиқламайди, бу ёлғон нарса», - дея айтиб ўтди Кравченко Киев шаҳри Шевченко тумани суди мажлисидан сўнг. Айнан ушбу судда Германга эҳтиёт чораси тайинланди.

Прокурорнинг таъкидлашича, у ҳеч қачон УХХ ёки аксилразведка агенти бўлмаган, шунингдек, маҳкама фаолияти билан умуман алоқадор эмас.

Эслатиб ўтамиз, аввалроқ Бабченко иши бўйича гумонланувчи баёнот берганди.