Трамп ва Путиннинг учрашувига тайёргарлик кўрилмоқда

Фото: Jorge Silva/AP

Оқ уй Қўшма Штатлар президенти Дональд Трамп ва Россия президенти Владимир Путиннинг эҳтимолий учрашувига тайёргарлик кўришни бошлади. Бу ҳақда The Wall Street Journal манбаларга асосан хабар қилмоқда.

Номи ошкор этилмаган юқори мансабли амалдорнинг сўзларига кўра, АҚШнинг Россиядаги элчиси Жон Хантсман мамлакатлар етакчилари учрашувини ташкиллаштиришда ёрдам кўрсатиш мақсадида Вашингтонга келган. Бироқ, тайёргарлик жараёни ҳозирги пайтда энг дастлабки босқичда турибди.

«Путин ва Трамп ўртасидаги расмий учрашувни ташкиллаштириш - элчи Хантсманнинг ҳозирги лойиҳаси, у бир неча ой давом этади», - дея айтиб ўтган манба.

Россия президентининг ёрдамчиси Юрий Ушаков апрель ойида, Трамп 20 март кунги телефон мулоқоти давомида Путинни Оқ уйга таклиф қилгани ҳақида хабар берганди.

Эслатиб ўтамиз, аввалроқ Кремль Ким Чен Ин ва Путиннинг учрашувини истисно этмаганди.

#Россия #АҚШ #Владимир Путин #Дональд Трамп