Трампнинг Россияни G8’га қайтариш бўйича баёноти нега ғалати экани айтилди

Фото: Christinne Muschi/Reuters

АҚШ президенти Дональд Трампнинг Россияни G8 шаклига қайтариш бўйича баёнотлари бир неча сабабга кўра ҳайратланарли, деб ёзмоқда The Atlantic.

Биринчиси - Трамп АҚШ собиқ президент Барак Обама раҳбарлиги пайтида қабул қилган қарордан узоқлашмоқда.

Иккинчидан, дея таъкидлайди Atlantic, Трампнинг баёноти Россиянинг АҚШда 2016 йилда бўлиб ўтган президентлик сайловларига эҳтимолий аралашуви бўйича суриштирув ишлари давомида берилди. Россия Қўшма Штатлардаги президентлик сайловларига аралашганини ҳамда Москва Трамп сайловолди штаби билан тил бириктирганлиги бўйича айбловларни рад этмоқда.

Учинчи сабаб - эҳтимол, энг асосийси - «Россиянинг хатти-ҳаракати» 2014 йилда Қрим қўшиб олинганидан сўнг ўзгармади.

Бошқа давлатлар Трампнинг Россияни G8’га қайтариш бўйича чақириғини рад этишига қарамай, «катта еттиликда» парчаланиш кузатилмоқда, дея таъкидлайди нашр.

Эслатиб ўтамиз, аввалроқ CNN Трампга «ишонаётган» ягона етакчини маълум қилганди.

Тайёрлаган: Отабек Матназаров

#Россия #Дональд Трамп #G8