Навальний 30 кунлик ҳибсдан кейин озодликка чиқди

Фото: Дмитрий Серебряков

Россиялик сиёсатчи Алексей Навальний тергов изоляторида 30 кун ҳибсда ушлаб турилгандан кейин озодликка чиқди.

15 май куни Москванинг Тверь суди Навальнийни 5 май куни Россия президенти Владимир Путинга қарши “У бизга подшоҳ эмас” деб номланган акция ўтказилиши сабабли намойишларни ўтказиш қоидаларини такроран бузгани учун ҳибсга олганди. Шунингдек, суд уни полиция ходимларига бўйсунмасликда айбдор деб топганди. Бу иккала қонунбузарлик учун Навальнийга 15 суткадан жами 30 суткага ҳибсга олиш жазоси қўлланган.

5 май кунидаги акция Россиянинг 100 га яқин шаҳрида бўлиб ўтган ва унинг давомида 1500 дан кўпроқ одам ушланган. Навальний Москвадаги Пушкин майдонида ушланган.