Навоийда фуқарони 1 тонна 206 килограмм майизга «ухлатишди»

Навоий вилоятининг Хатирчи туманида 16 июнь куни туман ИИБга тушган ҳужжатларга кўра, шу йил 25 февраль куни Самарқанд вилояти Каттақўрғон туманида яшовчи, муқаддам судланган, Т.Я. Хатирчи туманида яшовчи, 2-гуруҳ ногирони С.А.нинг уйида ундан 1 тонна 206 кг. майизини 13.266.000 сўмга ҳисоблаб олган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, у пулини майизни сотгандан кейин олиб келиб беришини айтиб, алдаш йўли билан ишончига кириб, берган ваъдасини бажармай пулларни ўз эҳтиёжлари учун ишлатиб юборган. 

Кўрилган чоралар натижасида Т.Я. ушланган.