Шойгу Қримдаги «ноёб қўшинлар гуруҳи» ҳақида айтди
Россия қўшинларининг Қримдаги гуруҳи ҳужум юз берадиган бўлса, рақибга «биронта имконият қолдирмайди». Бу ҳақда Россия мудофаа вазири Сергей Шойгу маълум қилди, деб хабар бермоқда РИА «Новости».
Вазир илк бор Севастополда бўлиб ўтган ҳарбий коллегия сайёр йиғилишида чиқиш қилди. Унинг сўзларига кўра, ярим оролда ноёб турлараро гуруҳ ташкил этилди ва мустаҳкамланмоқда.
«Унинг замонавий юқори технологияли қуроллар тизими Россия ҳудудига кирмоқчи бўлган исталган эҳтимолий рақибга биронта имконият қолдирмайди», - дея айтиб ўтди Шойгу.
Унинг таъкидлашича, Қрим мамлакат ҳарбий хавфсизлигини таъминлашда муҳим ўрин тутишда давом этмоқда.
Эслатиб ўтамиз, аввалроқ Украина биринчи президенти Россия Қримдан ўз хоҳишига кўра воз кечиши мумкин экани ҳақида маълум қилганди.
Мавзуга оид
09:00
«Газпром» Россияда энг зарар кўрган компаниялар рўйхатини бошқаряпти
23:19 / 03.10.2024
НАТО аъзолари Россияга зарба бериш тақиқини олиб ташлашни муҳокама қилади
21:06 / 03.10.2024
Россия Мудофаа вазирлиги Украинанинг Вуҳледар шаҳри эгалланганини эълон қилди
18:25 / 03.10.2024