Ҳақиқий савдо уруши. Хитой АҚШ фермерларига зиён етказишга ваъда берди

Хитой Халқ Республикаси тижорат вазири Чжун Шаннинг маълум қилишича, АҚШ ҳукумати икки томонлама савдо масалалари бўйича «қизиққон» қарорлар қабул қилди. Шунингдек, унинг ваъда беришича, Хитойнинг янги савдо чоралари АҚШ ишчилари ва фермерларига иқтисодий зиён етказади. Бу ҳақда Reuters хабар бермоқда.

Чжун Шань Қўшма Штатлар билан савдо музокараларига ижобий баҳо берган, бироқ, шу билан бирга, унинг таъкидлашича, Америка ҳукумати улардан сўнг «олдиндан тахмин қилиш мушкул бўлган» тарзда ҳаракат қилмоқда. Шунинг учун, вазирнинг фикрича, Пекин аниқ самара берадиган савдо чораларини кўриши керак.

Унинг таъкидлашича, АҚШнинг протекционистик иқтисодий сиёсати Америка ишчилари ва фермерларига зарар етказади, сабаби Хитой жавоб қадамларини қўяди.

Эслатиб ўтамиз, аввалроқ Хитой Трампнинг таҳдидига жавоб қайтарганди.