Россия ва АҚШ элчилари Бутина билан учрашишади

Россия ФедерациясинингАҚШдаги элчихонаси маъмурияти ўтган ҳафтада Вашингтонда ҳибсга олинган россиялик Мария Бутинани кўришга боришмоқчи. Бу ҳақида элчихона матбуот хизмати Twitter саҳифасида эълон қилди.

«Марияни кўришга ҳафтада бир марта боришимиз ҳақида у билан келишиб олдик. Кейинги ташрифимиз 26 июлда бўлиб ўтиши ҳақида қамоқхона маъмурияти билан келишиб олдик. Шунингдек, у ерда Мария номига махсус қамоқхона ҳисоби очилиши керак. Бу билан у Россиядаги қариндошлари, элчихонага қўнғироқ қилиши мумкин бўлади. Биринчи ўриндаги вазифа Марияга юридик ёрдам берилиши лозим. Ушбу ҳаракатлар халқаро ҳуқуқ нормалари ва АҚШ қонунчилиги доирасида бўлади. Консуллик Россия фуқаролари ҳуқуқ ва манфаатларини ҳимоя қилади», дея хабар қилди дипломатлар.

Бундан аввал консул ходимлари 19 июлда Бутинани олдига боришганди. 15 июль куни қўлга олинган 29 ёшли Бутинага иккита айб қўйилган: биринчиси АҚШда хорижий давлатлар билан фитна уюштиргани бўйича, иккинчиси бу ишларни АҚШ Адлия вазирлигига чет эл агенти сифатида рўйхатдан ўтмасдан амалга оширгани.

18 июль куни Вашингтон Федерал судида ўтказилган мажлисда Россия фуқаросига нисбатан вақтинчалик ҳибсга олиш чораси қўлланган. Қарор судья Дебора Робинсон томонидан чиқарилган. Россиялик адвокат Роберт Нил Дрисколл Марияни озод қилишга ваъда берган.