«Ўзбекистон ҳаво йўллари» МАК учувчиларни тайёрлаш ўқув курсларига танлов ўтказади

«Ўзбекистон ҳаво йўллари» Миллий авиакомпаниясининг Ўқув-машқ маркази учувчиларни дастлабки тайёрлаш ўқув курсларига танлов ўтказилиши муносабати билан, жорий йилнинг 6-7-август кунлари «Очиқ эшиклар куни» бўлиб ўтишини эълон қилади.

Танловда қатнашмоқчи бўлган номзод 27 ёшга тўлмаган, тугалланган олий техник маълумотли ва IELTS сертификати билан тасдиқланган инглиз тилининг 6-даражасига эга бўлиш талаб этилади. Улар фуқаро авиацияси учувчилари учун дастлабки тайёргарлик курсларида таълим олиш имкониятига эга бўлишади.

Ўқиш давомийлиги, ҳужжатларни қабул қилиш ва имтиҳон топшириш муддати,  номзодлар учун тиббий ва бошқа талаблар ҳақида тўлиқ маълумот олиш учун Тошкент шаҳар, Қумариқ кўчаси, 120-уйда жойлашган МАК Ўқув–машқ марказига мурожаат қилиш мумкин.