Facebook’нинг капиталлашуви бир кунда 119 млрд долларга «қулади»

Facebook’нинг капиталлашуви бир кунда 119,4 миллиард долларга кескин камайди. Бу АҚШ фонд бозорида тарихий антирекордга айланди, деб хабар қилмоқда Bloomberg агентлиги.

Таъкидланишича, Facebook акцияларининг қиймати 26 июль, пайшанба куни 19 фоизга тушиб кетган. Савдоларни ёпиш вақтида қимматли қоғозлар 176,26 АҚШ долларидан сотилаётганди. Бундай кўрсаткич, агентликнинг қайд этишича, компания бозордаги капиталлашувининг 119,4 млрд долларга тушиб кетишига олиб келди. Бир кун аввал у 629,71 млрд долларга баҳоланганди. Бундай «қулаш» АҚШ фонд бозори тарихида капиталлашувнинг бир кун ичидаги энг катта пасайишига айланди.

Эслатиб ўтамиз, аввалроқ Facebook ижтимоий тармоғи асосчиси Марк Цукерберг компания акциялари қиймати тушиб кетганидан сўнг тахминан 16,8 млрд доллар йўқотганди.