Эрдўған сентябрда Германияга ташриф буюриши мумкин

Фото: EPA

Туркия президенти Ражаб Тоййиб Эрдўған 2018 йилнинг сентябрида Германияга давлат ташрифи билан келишни режалаштирмоқда. Бу ҳақда икки мамлакат ҳукуматларидаги манбаларга таяниб Bild газетаси хабар берди.

Нашрнинг билдиришича, сентябрнинг охирига мўлжалланган ташриф Эрдўғаннинг бу давлатга президент сифатидаги илк ташрифи бўлади (у Германияда сўнгги бор 2014 йил февралда бўлган). Анқарадаги дипломатик манбанинг маълум қилишича, Туркия президенти шунингдек Германияда ватандошлар олдида чиқиш қилиш истагида.

Германия президенти апрель ойида бўлиб ўтган телефон орқали мулоқот чоғида Эрдўғанни Германияга таклиф қилган эди.