Исроил янги аэропорт қуриш учун сунъий орол яратмоқчи

Исроил ўз соҳиллари яқинида янги аэропортни жойлаштириш учун сунъий орол яратиш лойиҳасини ишлаб чиқмоқда. Бу ҳақда мамлакат бош вазири Биньямин Нетаньяхунинг девонхонаси хабар берди.

Тегишли вазирлик ва идоралар раҳбарияти билан ўтказилган йиғилишда у мамлакатга ташрифи ошиб бораётган сайёҳларни кутиб олишни таъминлаш учун ана шундай режа тайёрлашга топшириқ берди.

«Нетаньяху Исроил давлати соҳилидаги сунъий оролда аэропорт қуриш режасини тузиш бўйича топшириқ берди», — дейилади матбуот релизида.

Аввалроқ ОАВда ушбу лойиҳани амалга ошириш учун 10-15 йил талаб этилиши ва тахминан 10 миллиард доллар сарфланиши айтилганди.