Қўшимча функционаллар
-
Тунги кўриниш
Россия грециялик дипломатлар мамлакатдан чиқариб юборилишини эълон қилди
Фото: ТАСС
Россия ТИВ Грециянинг Россиядаги элчиси Андреас Фриганасга «Афинанинг россиялик дипломатик ходимлари ва фуқароларига нисбатан июль ойидаги нодўстона ҳаракатларига» жавобан қабул қилинган чоралар тўғрисидаги нотани топширди.
11 июлда Греция икки нафар россиялик дипломатни мамлакатдан чиқариб юбориши ва Россия ТИВнинг яна икки нафар ходимини мамлакатга киритмаслигини эълон қилганди. Греция ҳукумати уларни мамлакат ички ишларига аралашишда, миллий хавфсизликка таҳдид ва маҳаллий амалдорларни сотиб олишга уринишда айблаганди.
Россиялик дипломатлар чиқариб юборилганидан сўнг Россия ТИВ «кўзгули жавоб» қайтаришини маълум қилди, аммо 13 июль куни «Греция ҳукуматининг Россияга қарши ҳаракатига кескин норозилик» билдириш билан чекланди.
26 март куни АҚШ, Канада ва Европадаги 20дан ортиқ давлат Британиянинг Солсбери шаҳарчасида Сергей ва Юлия Скрипаллар заҳарланиши муносабати билан россиялик дипломатларнинг чиқариб юборилишини эълон қилганди.
Мавзуга оид
09:59
Британиянинг энг йирик банки Россиядан тўловларни қабул қилишни тўхтатди
23:22 / 22.11.2024
КХДР ўз аскарларини Украина урушига юборгани эвазига Россиядан ҳаво ҳужумидан мудофаа воситаларини олган
21:54 / 22.11.2024
«Крепкий орешник»: Путин тутиб қолиш имконсиз эканини айтган янги ракета ҳақида нималар маълум?
21:25 / 22.11.2024