Япония Олимпиада пайтида вақтни ўзгартиришга тайёр

Япония ҳукумати 2020 йилги Олимпия ўйинлари пайтида вақтни икки соатга ўзгартириш вариантини кўриб чиқмоқда, дея хабар беради ТАСС.

Шу тариқа, Олимпиадага мезбонлик қиладиган мамлакат ёзда Япония учун анъанавий бўлган жазирама об-ҳаво муаммоси ҳал қилинишига умид билдирмоқда. У очиқ ҳаводаги спорт мусобақаларида спортчилар учун жиддий қийинчилик келтириб чиқариши мумкин.

Ушбу масала бўйича Япония ҳукмрон партияси аъзоларида ягона фикр йўқ. Партиядан билдиришларича, мамлакат 60 йил олдин рад этган ёзги вақтга ўтиш фуқароларнинг иқтисодий ва ижтимоий ҳаётида норозилик ҳамда тартибсизликка олиб келиши мумкин.