Таэквондо. Осиповада бронза, Шокин финалга чиқди

Индонезияда бўлиб ўтаётган Осиё ўйинларининг таэквондо бўйича баҳсларида Ўзбекистон терма жамоаси аъзоси бронза медалини қўлга киритди.

Светлана Осипова (+67кг) қозоғистонлик рақибасига қарши кечган ярим финал баҳсида 9:3 ҳисобида имкониятни бой берди. Шу тариқа, ўзбекистонлик спортчи бронза медали соҳибасига айланди.

Бундан ташқари, Дмитрий Шокин (+80кг) ярим финалда иорданиялик спортчи билан куч синашди. Ушбу баҳсда Ўзбекистон вакили 5:4 ҳисобида ғалаба қозониб, финал йўлланмасини қўлга киритди. Энди ўзбекистонлик спортчи финалда эронлик Саид Ражабий билан куч синашади.