Трамп Россияни «жиддий хато» ҳақида огоҳлантирди

АҚШ президенти Дональд Трампнинг твиттердаги ўз саҳифасида ёзишича, Россия ва Эрон Сурия президенти Башар Асаднинг Идлиб вилоятидаги «телбаларча» ҳужумини қўллаб-қувватлайдиган бўлса, «жуда жиддий хато» қилиши мумкин.

Трампнинг маълум қилишича, Асад Идлибга «телбаларча» ҳужум қилмаслиги керак. Қўшма Штатлар президенти Дамашқнинг бу вилоятни озод қилиш бўйича режаларига шундай реакция билдирди. 

«Россияликлар ва эронликлар агар ушбу эҳтимолий инсонлар фожиасида иштирок этса, жиддий гуманитар хатога йўл қўядилар», - дея ёзади Трамп.

Унинг сўзларига кўра, бундай ҳаракатлар натижасида «юз минглаб одамлар» ҳалок бўлиши мумкин.

Эслатиб ўтамиз, аввалроқ АҚШ Сурияга зарба бериш учун объектлар рўйхатини тузгани ҳақида хабарлар тарқалганди.