Ўзбекистон ва Хитой Афғонистонга юк ташишни йўлга қўйди

Ўзбекистон Хитой билан ҳамкорликда Афғонистонга янги транспорт йўлаги орқали юк ташишни бошлади.

Бу билан 2018 йилда ташкил этилган Silk Road International қўшма корхонаси шуғулланади. Корхонанинг асосий фаолияти Тошкент – Андижон – Ўш – Иркештом – Қашқар йўналиши бўйича юк ташишдан иборат.

Эндиликда Афғонистон шимолидаги Ҳайратон шаҳрига ҳам турли юклар етказиб берилади. Йўлнинг умумий узунлиги 1,6 минг километрни ташкил этади. 

Аввалроқ Хитойнинг Beijing Jiufang Grang Move Transportation Equipment Co.Ltd компанияси Ўзбекистон шаҳарларида бир рельсли осма поездлар ҳаракатини йўлга қўйиши хабар қилинганди.