Оқ уй Башар Асадни огоҳлантирди

Фото: Vahid Salemi/AP

Оқ уй Сурия президенти Башар Асадга кимёвий қуролдан фойдаланадиган бўлса, ҳарбий куч билан таҳдид қилди. Бу ҳақда РИА «Новости» хабар тарқатган.

Қайд этилишича, бу ҳақда АҚШ президентининг матбуот котиби Сара Сандерс маълум қилди.

Унинг аниқлик киритишича, Вашингтон Суриянинг Идлиб вилоятидаги вазиятни ўта жиддийлик билан кузатиб бормоқда.

«Биз шуни аниқ маълум қилмоқчимизки, қатъий позициямиз аввалгидек қолади: президент Башар Асад яна кимёвий қурол ишлатишга қарор қилса, АҚШ ва унинг иттифоқчилари тезкор ҳамда тўғри жавоб берадилар», - дейилади баёнотда.

Эслатиб ўтамиз, аввалроқ Трамп Россияни «жиддий хато» ҳақида огоҳлантирганди.