Украинада НАТО базаси пайдо бўлишининг тахминий муддати айтилди

Фото: РИА Новости / Михаил Маркив

Украина Олий радасининг миллий хавфсизлик ва мудофаа масалалари бўйича қўмитаси котиби Иван Винник мамлакатда НАТО базаси беш-етти йилдан сўнг пайдо бўлиши мумкинлигини билдирди.

— Биз ўрта муддатли истиқболда Украинада жойлаштирилишига умид қилаётган НАТО базалари тўғрисидаги масала конституциянинг асосий қисми орқали тартибга солинган, —деди у "112 Украина" телеканали эфирида.

Винникнинг аниқлик киритишича, "ўрта муддатли истиқбол" беш-етти йилни ташкил этади.

Украина конституциясига мувофиқ, Атлантика альянси ҳарбий контингентини жойлаштириш учун мамлакат НАТОга аъзо бўлиши талаб қилинади.