Ўзбекистон ва Миср Ишбилармонлик кенгашини ташкил этади

Фото: Depositphotos

Ўзбекистон ва Миср Ишбилармонлик кенгашини ташкил этишга келишиб олдилар. Бу ҳақда Ўзбекистон Ташқи савдо вазирлигининг матбуот хизмати хабар бермоқда.

Ўзбекистон-Миср бизнес-форуми ва Тошкент шаҳридаги кооперация биржаси доирасида икки мамлакат Савдо-саноат палаталари Ишбилармонлик кенгашини ташкил этиш тўғрисида битим имзоладилар.

Кутилишича, ушбу кенгашнинг биринчи мажлиси 2018 йил охиригача бўлиб ўтиши керак бўлган ҳукуматлараро комиссиянинг навбатдаги мажлиси доирасида ташкил этилади.

Эслатиб ўтамиз, аввалроқ Ўзбекистон президенти Шавкат Мирзиёев Миср билан муносабатларда янги босқич бошланганини таъкидлаганди.