Полиция офицери ўз уйида адашиб, бошқа уй эгасига ўқ узди

Далласлик полициячи аёл ўз уйини адаштириб, бошқа уйга кириб қолган ва "ўз уйида" жиноятчи бор деб ўйлаб, уй эгасига қарата ўқ узган. 

Нима қилиб қўйганини англаганидан сўнг аёл дарҳол тез тиббий ёрдам ва полицияни чақириб, рўй берган воқеани тушунтирди. 

Кўрсатилган тезкор ёрдамга қарамай, 26 ёшли Ботэм Шем Жин шифохонада вафот этди. 

Полициячи аёл қўлга олинган, унинг исми ошкор қилинмаган. Қандай қилиб аёл бегона квартирага киргани, калит бошқа уй эшигига тушган ё тушмагани, эшик очиқ қолганми ёки йўқ - аниқлик киритилмаган.

Уй эгаси Ботэм Жин АҚШга Сент-Люсия орол давлатидан кўчиб борган. У таниқли PricewaterhouseCoopers компаниясининг дипломли ходими, аудитори ва маҳаллий насронийлар жамиятининг кўзга кўринган аъзоси бўлган.

Воқеа илк эътирозларни келтириб чиқаришга улгурди - Даллас полицияси штаб-квартираси олдида 150 киши офицерни озодликдан маҳрум қилишни талаб қилиб намойиш ўтказди.