Роналду «Ювентус»га ғалаба келтирди ва бошқа натижалар

Италия чемпионатининг 4-турида «Ювентус» ўз майдонида «Сассуоло»ни қабул қилди. Туриндаги «Альянц – Ювентус» стадионида кечган учрашув майдон эгаларининг 2:1 ҳисобидаги ғалабаси билан якунланди.

Мезбонлар сафида Криштиану Роналду 50- ва 65-дақиқаларда дублни расмийлаштирли. У А Серияда голлар ҳисобини очди. Меҳмонларнинг жавоб голига Хоума Бабакар муаллифлик қилди. Ўйин охирида «Ювентус» яримҳимоячиси Дуглас Коста қизил карточка олиб, майдонни тарк этди.

«Ювентус» қаторасига тўртинчи ғалабадан кейин турнир жадвалидаги пешқадамлигини мустаҳкамлади, «Сассуоло» эса 3 учрашув давом этган мағлубиятсиз сериясини (икки ғалаба ва бир дуранг) тўхтатди. Туринликлар жамоаси ҳисобидаги очколар сони айни вақтда 12та ва жамоа энг яқин таъқибчиси «Наполи»ни 3 очколик фарқ билан ортда қолдирмоқда.

Бу турда «Рома» «Кьево»ни қабул қилди.

Римликлар жамоаси ўйиннинг 30-дақиқасидаёқ 2:0 ҳисобида олдинга чиқиб олишганди, аммо жамоа бу устунликни сақлаб қололмади. Аммо Вальтер Бирса ва Мариуш Стемпинскийнинг голлари «Кьево»ни мағлубиятдан қутқариб қолди.

А Сериянинг 4 туридан кейин «Рома» 5 очко тўплаган ҳолда саккизинчи ўринда жойлашган, «Кьево» эса охирги ўринда қолмоқда («Кьево»га молиявий фирибгарлик туфайли 3 очколик жарима қўлланган ва жамоа ҳисобида айни вақтда -1 очко мавжуд).

Тур доирасидаги бошқа учрашувларда «Женоа» «Болонья»дан устун келди (1:0), «Удинезе» ва «Торино» дуранг ўйнади (1:1).

Италия чемпионати
4-тур
Ювентус – Сассуоло 2:1 (0:0, 2:1)
Голлар: 1:0 – 50 Роналду, 2:0 – 65 Роналду, 2:1 – 90 Эль-Бабакар.
Ювентус – Шченсни, Бенатия, Бонуччи, Алекс Сандро (Куадрадо, 80), Жоау Канселу, Хедира, Джан (Бентанкур, 71), Матюиди, Роналду, Дибала, Манджукич (Дуглас Коста, 61).
Сассуоло –    Консильи, Марлон, Рожерио (Делль`Орко, 72), Лирола, Феррари, Журичич (Ди Франческо, 61), Локателли (Эл-Бабакар, 83), Боатенг, Бурабия, Берарди, Данкан.
Огоҳлантиришлар: Журичич (23), Берарди (26), Жоау Канселу (32), Бурабия (40), Алекс Сандро (60), Дуглас Коста (90).
Четлатиш: Дуглас Коста (90).

Рома – Кьево 2:2 (2:0, 0:2)
Голлар: 1:0 – 10 Эль-Шаарави, 2:0 – 30 Кристанте, 2:1 – 52 Бирса, 2:2 – 83 Стемпиньски.
Рома – Ольсен, Флоренци (Карсдорп, 69), Манолас, Жезус, Коларов, Кристанте, Нзонзи, Пеллегрини (де Росси, 70), Ундер (Клюйверт, 81), Джеко, Эль-Шаарави.
Кьево – Соррентино, Томович, Россеттини, Бани, Барба, Радованович, Ригони (Депаоли, 87), Оби (Хетемай, 46), Бирса (Лерис, 81), Стемпиньски, Джаккерини.
Огоҳлантиришлар: Россеттини (74), де Росси (78).

Удинезе – Торино 1:1 (1:0, 0:1)
Голлар: 1:0 – 28 де Пауль, 1:1 – 49 Мейте.
Удинезе – Скуффет, Трост-Эконг, Самир, Ларсен, Нюйтинк, Бехрами, Фофана, Мандрагора (Мачис, 69), Пуссетто (Теодорчик, 58), де Пауль, Лазанья (Барак, 85).
Торино – Сиригу, Нкулу, Моретти, де Сильвестри (Айна, 75), Иццо, Базелли, Сориано, Беренгер (Париджини, 88), Мейте, Яго Фальке (Дзадза, 18), Белотти.
Огоҳлантиришлар: Дзадза (38), Сориано (43), Фофана (54), Мачис (89).
 
Женоа – Болонья 1:0 (0:0, 1:0)
Гол: 1:0 – 69 Пентек.
Женоа – Маркетти, Сполли, Бираски, Кришито, Гюнтер, Хильемарк (Лазович, 58), Бесса, Ромуло, Маццителли (Педру Перейра, 79), Пандев (Куаме, 62), Пентек.
Болонья – Скорупски, Ларангейра, Маттьелло, Дейкс, Де Майо, Пульгар, Поли (Сванберг, 68), Оквонкво, Джемаили, Гонсалес (Орсолини, 70), Дестро (Сантандер, 79).
Огоҳлантиришлар: Дестро (2), Дейкс (39), Гонсалес (57), Джемаили (61), Бесса (65), Скорупски (90), Маркетти (90).
Четлатиш: Пульгар (90).