Air France авиакомпаниясига қарашли самолёт Бирмингем аэропортига жуда кучли шамол туфайли қўна олмади. Ҳаво кемаси шамол оқибатида қўниш йўлагидан ҳам чиқиб кетди. Бу ҳақда Daily Mail хабар бермоқда.
Воқеага гувоҳ бўлган Жереми Жонс томонидан тасвирга олинган видеода кўриш мумкинки, Airbus A320 аэропортга яқинлашаётганида кучли шамол туфайли бир текисда парвоз қила олмаган, сўнг қўниш йўлаги устида бошқа томонга қайрилиб кетган. Охир-оқибат авиалайнер тепага кўтарилишни бошлаб, ерга тегмасдан парвозни давом эттирган.
Нашр маълумотларига кўра, шу куни шамол тезлиги секундига 19,5 метрни ташкил этган.
