Давлат департаменти хорижга 70 млрд долларлик қурол сотишга рухсат берди

Фото: AP

АҚШ Давлат департаменти 2018-молиявий йилда 69,7 миллиард долларлик қурол-яроғни хорижга сотишга рухсат берди. Бу ҳақда Defence News хабар қилмоқда.

Нашр маълумотларига кўра, энг катта битим Саудия Арабистони билан тузилган, подшоҳлик АҚШдан THAAD зенит ракета комплексларини 15 миллиард долларга сотиб олган.

Таъкидланишича, Европа давлатларидан юборилган сўровлар энг кўп маъқулланган.

Шу билан бирга, 2018-молиявий йилда Давлат департаменти қурол-яроғ сотишга 70дан ортиқ рухсатномалар берди.

Эслатиб ўтамиз, аввалроқ олимлар АҚШни биологик қурол ишлаб чиқишда гумонлаётгани хабар қилинганди.