Ўзбекистонда жигар кўчириб ўтказиш бўйича яна бир операция муваффақиятли якунланди

Бугунги кунда академик В.Воҳидов номидаги Республика ихтисослаштирилган хирургия илмий-амалий тиббиёт марказида трансплантация жарроҳлиги каби мураккаб операциялар муваффақиятли ўтказилмоқда.

22 сентябрь куни Ҳиндистоннинг Yashoda Hospitals шифохонаси мутахассислари билан ҳамкорликда ана шундай операциялардан бири ўтказилди. 

Жигар циррози ташхиси билан ётқизилган фарғоналик 34 ёшли беморга 29 ёшли укасининг жигари кўчириб ўтказилди. 

Марказнинг хабар қилишича, бундан аввал ҳам ана шундай жигар трансплантацияси операцияси амалга оширилган бўлиб, бемор ва донорларнинг ҳолати қониқарли деб баҳоланган.