O‘zbekistonda jigar ko‘chirib o‘tkazish bo‘yicha yana bir operatsiya muvaffaqiyatli yakunlandi

Bugungi kunda akademik V.Vohidov nomidagi Respublika ixtisoslashtirilgan xirurgiya ilmiy-amaliy tibbiyot markazida transplantatsiya jarrohligi kabi murakkab operatsiyalar muvaffaqiyatli o‘tkazilmoqda.

22 sentabr kuni Hindistonning Yashoda Hospitals shifoxonasi mutaxassislari bilan hamkorlikda ana shunday operatsiyalardan biri o‘tkazildi. 

Jigar sirrozi tashxisi bilan yotqizilgan farg‘onalik 34 yoshli bemorga 29 yoshli ukasining jigari ko‘chirib o‘tkazildi. 

Markazning xabar qilishicha, bundan avval ham ana shunday jigar transplantatsiyasi operatsiyasi amalga oshirilgan bo‘lib, bemor va donorlarning holati qoniqarli deb baholangan.